کراچی: پاکستان کے عاصم خان نے شاندار کارکردگی کا مظاہرہ کرتے ہوئے ورلڈ اسکواش چیمپئن شپ کے ایشیا کوالیفائنگ راؤنڈ کے سیمی فائنل کیلئے کوالیفائی کر لیا۔
کوارٹر فائنل میں عاصم خان نے ہانگ کانگ کے چی ہم وونگ کو سخت مقابلے کے بعد 3-2 سے شکست دی۔ میچ 59 منٹ تک جاری رہا اور دونوں کھلاڑیوں کے درمیان کانٹے دار مقابلہ دیکھنے میں آیا۔
میچ کا اسکور 11-8، 7-11، 11-9، 6-11 اور 11-9 رہا، جس میں عاصم خان نے فیصلہ کن گیم میں بہتر اعصاب کا مظاہرہ کرتے ہوئے کامیابی سمیٹی۔
عاصم خان نے میچ کے دوران بہترین فٹنس اور جارحانہ کھیل پیش کیا، جبکہ اہم لمحات میں پوائنٹس حاصل کر کے برتری برقرار رکھی۔
اس کامیابی کے بعد عاصم خان سیمی فائنل میں پہنچ گئے ہیں، جہاں ان سے مزید بہتر کارکردگی کی توقع کی جا رہی ہے۔
واضح رہے کہ ایشیا کوالیفائنگ راؤنڈ کے ذریعے کھلاڑیوں کو ورلڈ اسکواش چیمپئن شپ کیلئے جگہ بنانے کا موقع ملتا ہے، اور عاصم خان کی یہ کامیابی پاکستان اسکواش کیلئے حوصلہ افزا پیشرفت قرار دی جا رہی ہے۔
دیکھئیے:پی ایس ایل 11: صاحبزادہ فرحان کی سنچری، ملتان سلطانز نے حیدرآباد کو 6 وکٹوں سے شکست دے دی