چنئی: جنوبی بھارتی ریاست تامل ناڈو کے نو منتخب وزیراعلیٰ اور تامل سپر اسٹار جوزف وجے (تھلاپتی وجے) کی حلف برداری تقریب کے بعد معروف اداکارہ تریشا کرشنن کی ایک سوشل میڈیا پوسٹ نے مداحوں اور میڈیا کی توجہ اپنی جانب مبذول کر لی ہے۔ اتوار کو ہونے والی اس تقریب میں تریشا کی شرکت اور اس کے بعد شیئر کیے گئے کیپشن نے دونوں کے درمیان مبینہ تعلقات کی افواہوں کو ایک بار پھر گرم کر دیا ہے۔
بھارتی میڈیا کے مطابق، تریشا تقریب میں وجے کے والدین کے ساتھ پہلی صفوں میں موجود تھیں۔ پیر کے روز تریشا نے انسٹاگرام پر تقریب کی تصاویر شیئر کرتے ہوئے کیپشن لکھا، “محبت ہمیشہ گرج دار ہوتی ہے اور اس کی گونج زیادہ ہوتی ہے۔” اس ذومعنی جملے کو مداحوں نے وجے کے ساتھ ان کے تعلقات کا اشارہ قرار دیا ہے۔ تقریب کے دوران جب وجے تامل ناڈو کے مستقبل کے بارے میں خطاب کر رہے تھے، تو تریشا کو جذباتی انداز میں آنسوؤں کے ساتھ مسکراتے ہوئے بھی دیکھا گیا، جس کی ویڈیوز وائرل ہو رہی ہیں۔
وجے اور تریشا کے درمیان تعلقات کی خبریں اس وقت شدت اختیار کر گئیں جب 2025 میں وجے کی اہلیہ سنگیتا نے اپنی 26 سالہ شادی ختم کرنے کا فیصلہ کیا اور وجے پر ایک اداکارہ کے ساتھ مبینہ تعلقات کا الزام لگایا۔ سنگیتا اور ان کے بچے حلف برداری کی اس اہم تقریب میں شریک نہیں تھے۔ اس کے برعکس، تریشا کی وجے کے گھر والوں کے ساتھ قربت اور ان کی والدہ کو گلے لگانے کی تصاویر نے ان قیاس آرائیوں کو مزید تقویت دی ہے کہ دونوں مستقبل میں اپنے رشتے کے حوالے سے کوئی بڑا اعلان کر سکتے ہیں۔
دیکھئیے:جسے اللہ عزت دے اس کی عزت کرنی چاہئیے؛ ملک عقیل دانش تیمور کی حمایت میں سامنے آ گئے