پاکستان تحریک انصاف کے چیئرمین اور سابق وزیراعظم عمران خان کو جیل میں خصوصی سہولیات، قانونی معاونت اور خاندانی رسائی دی جا رہی ہے، حکومتی ذرائع نے واضح کر دیا۔
حکام کا کہنا ہے کہ سیاسی بیانیے میں جو تاثر دیا جا رہا ہے، وہ زمینی حقائق سے مختلف ہے۔ عمران خان کو جیل میں وہ تمام سہولیات حاصل ہیں جو کسی بھی سابق وزیراعظم کو قانونی طور پر حاصل ہو سکتی ہیں۔
ترجمان نے بتایا کہ عمران خان کو ایک علیحدہ اور صاف ستھرا سیل فراہم کیا گیا ہے، جہاں انہیں بستر، طبی سہولت، کتابیں اور روزانہ اخبار مہیا کیا جا رہا ہے۔ ان کے قانونی مشیروں کو باقاعدہ ملاقات کی اجازت حاصل ہے جبکہ اہل خانہ کو بھی متعین دنوں پر رسائی حاصل ہے۔
ذرائع کے مطابق عمران خان کو قانونی مشاورت کے لیے تجربہ کار وکلا پر مشتمل ایک ٹیم کی خدمات حاصل ہیں جو عدالت میں ان کے مؤقف کا بھرپور دفاع کر رہی ہے۔
حکومتی عہدیداروں کا کہنا ہے کہ ’’یہ مہم کہ عمران خان کو غیر منصفانہ سلوک کا سامنا ہے، محض گمراہ کن پروپیگنڈہ ہے۔ حقیقت یہ ہے کہ انہیں دیگر قیدیوں کے مقابلے میں زیادہ سہولیات دی جا رہی ہیں، جو قانون اور آئین کے مطابق ہیں۔‘‘
دیکھیں: عظمی بخاری نے عمران خان کو جیل میں میسر سہولیات کی تفصیلات جاری کر دیں