نائب وزیر اعظم اور وزیر خزانہ اسحاق ڈار نے اپنے ٹوئٹ میں تصدیق کی ہے کہ سابق سینیٹر مشتاق احمد کو اسرائیلی فورسز نے رہا کردیا۔
سابق سینیٹر مشتاق احمد یورپ سے اسرائیل جانیوالے گلوبل صمود فلوٹیلا کا حصہ تھے، انہیں سیکڑوں بین الاقوامی رضا کاروں کے ساتھ اسرائیلی فورسز نے حراست میں لے لیا تھا۔
اسحاق ڈار کا کہنا ہے کہ سابق سینیٹر مشتاق احمد کی صحت بہتر ہے، وہ رہا ہوکر اردن پہنچ چکے ہیں۔
نائب وزیراعظم نے مزید کہا کہ سابق سینیٹر پاکستانی سفارتخانے میں موجود ہیں۔
دیکھیں: فریڈم فلوٹیلا: مشتاق احمد کی واپسی کیلئے عالمی سطح پر کوششیں جاری