امریکی صدر ڈونلڈ ٹرمپ نے بیان جاری کرتے ہوئے کہا ہے کہ امریکی افواج نے شمال مغربی نائیجیریا میں داعش سے منسلک ٹھکانوں کو نشانہ بنایا ہے۔ تفصیلات کے مطابق امریکی صدر ٹرمپ نے کہا کہ داعش کئی برسوں سے مسیحی برادری کو نشانہ بنا رہی ہے اور اس گروہ کو پہلے ہی سخت جواب دینے کی وارننگ دی جا چکی تھی۔
انہوں نے اس کارروائی کو کامیاب قرار دیتے ہوئے کہا کہ امریکہ نے متعدد کامیاب حملے کیے ہیں جو صرف امریکی صلاحیتوں کا واضح ثبوت ہے۔
یہ بیانات اس وقت سامنے آئے ہیں جب ترکی نے ایک روز قبل داعش کے ساتھ تعاون کے الزام میں 100 سے زائد افراد کی گرفتاری کا اعلان کیا تھا۔ ماہرین کا کہنا ہے کہ یہ پیش رفت عالمی سطح پر دہشت گرد گروہوں کے خلاف کارروائیوں کی رفتار کو بڑھانے اور داعش کے اثر و رسوخ کو محدود کرنے کی کوششوں کا حصہ ہے۔