پاکستان کرکٹ کے دو نام بابر اعظم اور محمد رضوان آج بگ بیش لیگ میں حریف بن گئے اور میچ بابر اعظم کی ٹیم سڈنی سکسرز کے نام رہا۔ میلبرن رینی گیڈز نے پہلے بیٹنگ کرتے ہوئے 9 وکٹوں کے نقصان پر 164 رنز بنائے۔ جواب میں سڈنی سکسرز نے بابر اعظم کی بیٹنگ کے باعث آخری اوور میں چار وکٹوں کے نقصان پر ہدف حاصل کر لیا۔
بابر اعظم نے 42 گیندوں پر 58 رنز کی شاندار اننگز کھیل کر اپنی ٹیم کی فتح میں اہم کردار ادا کیا۔ یہ ان کی رواں بگ بیش لیگ میں دوسری نصف سنچری ہے۔
میچ میں بابر اعظم اور محمد رضوان کے درمیان دوستانہ مگر بھرپور مقابلے نے شائقین کو محظوظ کیا، اور دونوں کھلاڑیوں کی کارکردگی نے کرکٹ شائقین کے لیے یادگار لمحے فراہم کیے۔
دیکھیں: پاکستان کا شفافیت اور صاف حکمرانی کی جانب تاریخی سفر جاری