سال 2025 میں پاکستانی افراد کا روزگار کے سلسلے میں بیرون ملک منتقل ہونے میں نمایاں اضافہ دیکھا گیا ہے۔ رپورٹ کےمطابق 5 لاکھ 30 ہزار سے زائد پاکستانی روزگار کے لیے سعودی عرب روانہ ہوئے، جبکہ متحدہ عرب امارات جانے والوں کی تعداد تقریباً 50 ہزار رہی۔
ماہرین کے مطابق پاکستانی مزدوروں کا رجحان دبئی سے ہٹ کر سعودی عرب کی تعمیراتی سائٹس، سروس سیکٹر اور وژن 2030 کے بڑے منصوبوں کی طرف منتقل ہو گیا ہے۔ اس نہ صرف مزدوروں کی ترسیلاتِ زر میں اضافہ کیا ہے بلکہ سعودی عرب میں پاکستانی محنت کشوں کے لیے ملازمت کے بھی نئے مواقع بھی پیدا کیے ہیں۔
اس کے علاوہ سعودی عرب میں پاکستانی مزدوروں کی بڑی تعداد سے پاکستان کو نہ صرف ترسیلاتِ زر میں اضافے کی توقع ہے بلکہ یہ ملک کے مجموعی اقتصادی استحکام اور روزگار کے مواقع بڑھانے میں بھی مددگار ثابت ہو سکتا ہے