ڈیرہ بنوں روڈ پر واقع کرامت آباد کے قریب نامعلوم افراد کی فائرنگ کے نتیجے میں پاک فوج کے افسر کرنل عمران شہید ہو گئے، جبکہ دو دیگر افراد زخمی ہو گئے۔ واقعہ تھانہ شورکوٹ کی حدود میں پیش آیا۔
ذرائع کے مطابق واقعہ آج بروز بدھ 28 جنوری 2026 کو دوپہر تقریباً 2 بجے پیش آیا، جب نامعلوم حملہ آوروں نے کرنل عمران (پاک آرمی) پر اچانک فائرنگ کر دی۔ فائرنگ کے نتیجے میں وہ موقع پر ہی شہید ہو گئے، جبکہ دو افراد زخمی ہو گئے۔
اطلاع ملتے ہی پولیس اور سیکیورٹی فورسز کی بھاری نفری جائے وقوعہ پر پہنچ گئی، علاقے کو گھیرے میں لے کر سرچ آپریشن شروع کر دیا گیا ہے۔ زخمیوں کو فوری طور پر قریبی ہسپتال منتقل کر دیا گیا ہے، جبکہ واقعے کی تحقیقات کا آغاز کر دیا گیا ہے۔ حکام کے مطابق حملہ آوروں کی تلاش جاری ہے اور جلد آپریشن متوقع ہیں۔
دیکھیے: پاکستان کے سرحدی علاقوں میں انتشار پھیلانے کے لئے افغان طالبان کا کمیشن متحرک ہو گیا