میانوالی میں چاپڑی ڈیم کے قریب سی ٹی ڈی نے خفیہ اطلاعات کی بنیاد پر کاروائی کرتے ہوئے 6 دہشت گردوں کو ہلاک کردیا۔
ترجمان سی ٹی ڈی کے مطابق کاروائی کا مقصد دہشت گردوں کو گرفتار کرنا تھا، تاہم فائرنگ کے تبادلے میں 8 مشتبہ افراد فرار ہونے میں کامیاب ہو گئے اور 10 سی ٹی ڈی اہلکار زخمی ہوئے۔
ترجمان کا کہنا ہے کہ دہشت گردوں نے سی ٹی ڈی ٹیم پر فائرنگ شروع کر دی تھی، جس کے جوابی کاروائی میں 6 دہشت گرد ہلاک ہوئے۔ کارروائی کے دوران 10 سی ٹی ڈی اہلکار زخمی ہوئے ہیں۔
اسلحے کی برآمدگی
ہلاک شدہ دہشت گردوں سے ایک خودکش جیکٹ، تین دستی بم، تین ایس ایم جیز، 200گولیاں اور بارودی مواد برآمد ہوا ہے۔ ہلاک شدہ افراد کی شناخت کا عمل جاری ہے۔
سی ٹی ڈی کے مطابق یہ کاروائی دہشت گردی کی ممکنہ سازش کو ناکام بنانے اور علاقے میں سکیورٹی کی صورتحال کو مستحکم کرنے کے لیے کی گئی تھی۔ مزید تفتیش اور سرچ آپریشنز جاری ہیں۔
دیکھیے: بنوں میں سکیورٹی فورسز کا کامیاب آپریشن؛ 7 خوارج ہلاک کر دیے گئے