جنوبی وزیرستان کے علاقے زمچن میں فرنٹیئر کور (ساؤتھ) کے مقامی کمانڈر کی زیر صدارت قبائلی رہنماؤں کے ساتھ اہم جرگہ منعقد ہوا۔ اس موقع پر خطے کی مجموعی سلامتی صورتحال، عوام کے مسائل اور باہمی تعاون کو فروغ دینے پر تفصیلی تبادلۂ خیال کیا گیا۔
کمانڈنگ آفیسر نے جرگے میں خطاب کرتے ہوئے کہا کہ علاقے میں امن و استحکام برقرار رکھنے میں قبائلی رہنماؤں کا کردار کلیدی ہے اور سکیورٹی ادارے عوام کے تحفظ کے لیے ہر ممکن اقدامات کر رہے ہیں۔ انہوں نے پائیدار امن اور عوامی رابطوں کو مزید بہتر بنانے کی اہمیت پر زور دیا۔
قبائلی عمائدین نے خطے میں مستقل امن قائم کرنے کے لیے سیکیورٹی فورسز کے ساتھ مکمل تعاون کی یقین دہانی کرائی، اور ایف سی (ساؤتھ) کی کوششوں کو سراہتے ہوئے ادارے پر بھرپور اعتماد کا اظہار کیا۔
یہ جرگہ جنوبی وزیرستان میں امن و سلامتی کی صورتحال کو بہتر بنانے اور سکیورٹی فورسز و مقامی آبادی کے درمیان رابطوں کو مضبوط بنانے کی ایک اہم کوشش قرار دیا جا رہا ہے۔
دیکھیے: سکیورٹی فورسز کا نوشکی میں کامیاب آپریشن، سات دہشت گرد ہلاک