دفترِ خارجہ نے تصدیق کی ہے کہ پاکستان کو ایران اور امریکہ کے مابین ہونے والے جوہری مذاکرات میں شمولیت کی دعوت دی گئی ہے۔ تفصیلات کے مطابق دفتر خارجہ کے ترجمان طاہر اندرابی نے کہا کہ پاکستان کو اس مذاکرات میں شرکت کی باضآبطہ دعوت دی گئی ہے۔ ذرائع کے مطابق یہ مذاکرات اس ہفتے ترکی کے شہر استنبول میں ہوں گے۔
ایچ ٹی این ذرائع کے مطابق نائب وزیراعظم اسحاق ڈار پاکستان کی نمائندگی کریں گے۔ یہ مذاکرات بیک ڈور کوششوں کے نتیجے میں ممکن ہوئے ہیں جن میں پاکستان اور ترکی کا اہم کردار رہا ہے۔
ایرانی حکام کے مطابق یہ جوہری مذاکرات جمعے کو ترکی میں دوبارہ شروع ہوں گے۔ یہ مذاکرات مئی 2023 سے پانچ دور کے بعد تعطل کا شکار تھے۔ ایران نے مذاکرات کے حوالے سے محتاط رویہ اپنایا ہے۔ ایرانی سفارتی ذرائع کا کہنا ہے کہ وہ نہ پرامید ہیں اور نہ مایوس۔ انہوں نے واضح کیا ہے کہ ایران اپنی دفاعی صلاحیتوں پر کسی قسم کی بات چیت نہیں کرے گا۔ واضح رہے کہ مذاکراتی موقع پر سعودی عرب، قطر، عمان، مصر اور متحدہ عرب امارات کو بھی مدعو کیا گیا ہے۔
دیکھیے: ٹرمپ نے ایران کے ساتھ کاروبار کرنے والے تمام ممالک پر 25 فیصد اضافی ٹیکس عائد کر دیا