صوبہ بدخشاں میں طالبان کے بریگیڈ ہیڈ کوارٹرز پر حملہ کیا گیا، جس میں دو طالبان اہلکار ہلاک اور ایک شدید زخمی ہوگیا۔ دہشت گردوں نے جمعہ کی شام بدخشاں کے ضلع بہارک کے علاقے قلاتک میں طالبان فوج کی 219ویں ڈویژن کی سرحدی بریگیڈ کے مین گیٹ پر دستی بموں سے حملہ کیا گیا، جس میں دو طالبان ہلاک اور ایک زخمی ہوگیا۔
طالبان فورسز نے موٹر سائیکل سوار حملہ آوروں کے خلاف کاروائی کی کوشش کی، مگر اندھا دھند فائرنگ کے باوجود حملہ آوروں کو کوئی نقصان نہیں پہنچا، وہ محفوظ طریقے سے فرار ہونے میں کامیاب ہوگئے۔ جبکہ اس فائرنگ سے کم از کم 3 راہگیر زخمی ہوگئے، جس کی وجہ سے طالبان کے خلاف غم و غصہ پایا جاتا ہے۔
بعد ازاں طالبان مخالف تنظیم اے ایف ایف نے حملہ کی ذمہ داری قبول کرلی ہے۔ اے ایف ایف نے دو روز قبل بدھ کو بھی صوبہ تخار کے صدر مقام تالقان میں طالبان فورسز کے کیمپ پر حملہ کیا تھا۔
دیکھیے: افغانستان کی موجودہ حکومت میں قومی نمائندگی کے فقدان