صدارتی ایوارڈ یافتہ معروف نعت خواں اور شاعرِ ختمِ نبوت سید سلمان گیلانی انتقال کر گئے۔ وہ کچھ عرصے سے دل کے عارضے میں مبتلا تھے اور آج طبیعت زیادہ خراب ہونے پر خالقِ حقیقی سے جا ملے۔ وہ اپنی مزاحیہ شاعری کیلئے بھی بے حد مقبول تھے اور ان کا کلام سوشل میڈیا پر بھی بے انتہا پسند کیا جاتا تھا۔
سید سلمان گیلانی نے اپنی زندگی عشقِ رسول ﷺ کی نعت خوانی اور شاعری کے لیے وقف کر رکھی تھی۔ ان کی آواز اور کلام نے لاکھوں دلوں کو متاثر کیا اور انہیں ملک بھر میں عقیدت و احترام کی نگاہ سے دیکھا جاتا تھا۔
ان کے انتقال کی خبر سن کر مداحوں اور مذہبی حلقوں میں گہرے دکھ اور افسوس کی لہر دوڑ گئی۔ سوشل میڈیا پر بھی ان کی خدمات کو خراجِ عقیدت پیش کیا جا رہا ہے۔
دیکھیے: صدر آزاد جموں و کشمیر بیرسٹر سلطان محمود چوہدری انتقال کر گئے