بنوں: خیبر پختونخوا کے ضلع بنوں میں تھانہ ڈومیل کی حدود سے ایک شخص کی لاش برآمد ہوئی ہے، جس کے بارے میں غیر سرکاری اور مقامی ذرائع کی جانب سے دعویٰ کیا جا رہا ہے کہ وہ ایک خطرناک مبینہ دہشت گرد تھا۔
مقامی ذرائع کی جانب سے سوشل میڈیا پر شیئر کی جانے والی معلومات کے مطابق ڈومیل کے علاقے کاشو نالہ سے ملنے والے ہلاک شخص کی شناخت دلاور کے بیٹے میکائل کے نام سے ہوئی ہے، جو مبینہ طور پر موسیٰ خیل کے علاقے پنگ کا رہائشی تھا۔
انٹیلی جنس اور مقامی رپورٹس کے مابین گردش کرنے والے دعووں میں کہا گیا ہے کہ میکائل ایک انتہائی خطرناک نیٹ ورک کا حصہ تھا، جس نے ماضی میں پاکستانی سیکیورٹی فورسز کے خلاف متعدد گمراہ کن مذہبی فتوے بھی جاری کر رکھے تھے۔
رپورٹس میں مزید یہ دعویٰ بھی سامنے آیا ہے کہ مذکورہ شخص گزشتہ ہفتے مقامی آبادی پر ہونے والے ایک دیسی ساختہ بم (آئی ای ڈی) حملے میں براہِ راست ملوث تھا، جس کے نتیجے میں موسیٰ خیل قبیلے کے کئی بے گناہ شہری شہید ہو گئے تھے۔
دیکھیے: پاکستانی فضائی حملوں پر افغان طالبان کی بوکھلاہٹ؛ زمینی بدلہ لینے کی دھمکی دے دی
