بلوچستان کے ضلع خاران کے علاقے لجے میں سکیورٹی فورسز نے دہشتگرد عناصر کے خلاف کامیاب انٹیلی جنس بیسڈ آپریشن کیا ہے۔
ابتدائی اطلاعات کے مطابق یہ کارروائی فتنۂ ہندوستان سے وابستہ مشتبہ دہشتگردوں کے خلاف کی گئی، جس میں 7 دہشتگرد ہلاک ہوئے۔ سکیورٹی فورسز کے مؤثر دباؤ کے باعث متعدد دیگر دہشتگرد اپنا اسلحہ اور دیگر سامان چھوڑ کر علاقے سے فرار ہو گئے۔
حکام کے مطابق کارروائی کا نشانہ بننے والے یہ عناصر مبینہ طور پر علاقے میں خوف و ہراس پھیلانے، بھتہ خوری، سڑکیں بند کرنے اور عوامی آمدورفت میں رکاوٹ ڈالنے جیسی سرگرمیوں میں ملوث تھے۔ سکیورٹی فورسز کی کارروائی سے ان کی سرگرمیوں کو نمایاں نقصان پہنچا ہے۔
علاقے میں مزید دہشتگردوں کی موجودگی کا امکان مسترد نہ کرتے ہوئے سکیورٹی فورسز کی جانب سے سرچ اینڈ کلیئرنس آپریشن تاحال جاری ہے۔
سکیورٹی حکام نے علاقہ مکینوں سے اپیل کی ہے کہ وہ احتیاط برتیں، غیرمصدقہ اطلاعات پھیلانے سے گریز کریں اور کسی بھی مشتبہ سرگرمی کی فوری اطلاع متعلقہ حکام کو دیں۔
دیکھیے: بنوں: سکیورٹی فورسز کی کارروائی، 2 ملزمان گرفتار، ڈرون اور اسلحہ برآمد