یومِ آزادی کے موقع پر فیلڈ مارشل سید عاصم منیر نے سابق فوجیوں کے اعزاز میں استقبالیہ دیا، جس میں بڑی تعداد میں ریٹائرڈ فوجی افسران اور جوانوں نے شرکت کی۔
آئی ایس پی آر کے مطابق اس استقبالیے میں جنرل (ر) راحیل شریف اور جنرل (ر) اشفاق پرویز کیانی سمیت متعدد سینیئر ریٹائرڈ افسران بھی شریک ہوئے۔
فیلڈ مارشل سید عاصم منیر نے ملکی دفاع اور قومی سلامتی میں سابق فوجیوں کی خدمات کو خراجِ تحسین پیش کیا اور قومی استقامت مضبوط بنانے میں ان کے کردار کو سراہا۔ انہوں نے کہا کہ پیچیدہ اور بدلتے ہوئے سیکیورٹی ماحول سے نمٹنے کے لیے سابق فوجیوں کا تجربہ، رہنمائی اور مسلسل تعاون ایک قیمتی ادارہ جاتی اثاثہ ہے۔
تقریب میں شریک سابق فوجیوں نے پاک فوج کی قیادت پر مکمل اعتماد کا اظہار کیا اور ابھرتے سیکیورٹی چیلنجز سے نمٹنے میں فوج کے لیے اپنی مسلسل حمایت کا اعادہ کیا۔ انہوں نے قومی اتحاد، امن اور خوشحالی کے لیے اپنا کردار جاری رکھنے کے عزم کا بھی اظہار کیا۔
دیکھیے: بنوں: سکیورٹی فورسز کی کارروائی، 2 ملزمان گرفتار، ڈرون اور اسلحہ برآمد