افغانستان: بدخشاں کے ضلع زیبک میں افغانستان فریڈم فرنٹ نے طالبان کے ٹھکانوں پر پیشگی مارٹر حملے کرنے کا دعویٰ کیا ہے۔ تنظیم کا کہنا ہے کہ طالبان جنگجو ان کے مواضع پر حملے کی تیاری کر رہے تھے، جس کا بروقت جواب دیا گیا ہے۔
ترجمان کے مطابق اس پیشگی کارروائی کے نتیجے میں طالبان کو بھاری جانی اور مالی نقصان پہنچا ہے۔ ہلاک اور زخمی ہونے والے اہلکاروں کو زیبک کے مقامی طبی مراکز اور صوبائی دارالحکومت فیض آباد کے اسپتالوں میں منتقل کیا گیا ہے۔
اے ایف ایف کا مزید کہنا ہے کہ ان کی فورسز زیبک کے زیرِ کنٹرول علاقوں میں اپنی دفاعی پوزیشنیں مضبوطی سے سنبھالے ہوئے ہیں۔
دوسری جانب، بدخشاں کے ضلع درواز پائین کے علاقے مہمے میں کلیم اللہ ہمسُخان سے منسلک مقامی مسلح افراد نے بھی طالبان کے خلاف علیحدہ کارروائی کی ہے۔ اطلاعات کے مطابق اس حملہ میں طالبان کے ایک مقامی عہدیدار کو ہلاک کر دیا گیا ہے۔
ذرائع کا کہنا ہے کہ اس پیشقدمی کا بنیادی مقصد نوسے اور درواز بالا کی جانب جانے والے راستوں کو کھولنا ہے۔