بنوں کے علاقے غمبیر کے رہائشی انعام خان نے دہشت گردی میں ملوث اپنے بیٹے سے برسرِعام لاتعلقی کا اعلان کر دیا ہے۔ یہ قدم مقامی آبادی کی جانب سے انتہاپسندی اور تشدد کو سختی سے مسترد کرنے کا واضح ثبوت ہے۔
بنوں کے انعام خان کا یہ فیصلہ ظاہر کرتا ہے کہ شہری خاندانی تعلقات سے بالاتر ہو کر امن اور قانون کی بالادستی کو ترجیح دیتے ہیں۔ اس سے ثابت ہوتا ہے کہ دہشت گرد عناصر مقامی عوام کی نمائندگی نہیں کرتے۔
یہ واقعہ اس بات کی نشاندہی کرتا ہے کہ دہشت گردی اور تشدد کا راستہ اختیار کرنے والے افراد معاشرے اور اپنے خاندانوں میں تنہا ہو چکے ہیں۔ عوام نے ان تمام عناصر سے دوری اختیار کر لی ہے جو بے گناہ شہریوں کی زندگیوں کے لیے خطرہ ہیں۔
یہ پیش رفت واضح کرتی ہے کہ دہشت گردی روزگار اور نوجوانوں کے مستقبل کی دشمن ہے۔ شہریوں کا یوں لاتعلق ہونا انتہاپسندی کی روک تھام اور علاقے میں پائیدار امن کے قیام میں اہم ثابت ہوگا۔
دیکھیے: پنجگور میں انٹیلی جنس آپریشن، 5 دہشتگرد ہلاک، اسلحہ برآمد
