مظفرآباد: آزاد کشمیر اسمبلی کے نئے اسپیکر اور ڈپٹی اسپیکر کے انتخاب کا عمل آج مکمل کیا جائے گا۔ اجلاس موجودہ اسپیکر چودھری لطیف اکبر کی زیرِ صدارت منعقد ہوگا، جس میں نئے اسپیکر اور ڈپٹی اسپیکر کے انتخاب کا مرحلہ طے پائے گا۔
انتخاب کا شیڈول
شیڈول کے مطابق کاغذاتِ نامزدگی صبح 10 بجے سے 11 بجے تک جمع کرائے جا سکیں گے، جس کے بعد کاغذاتِ نامزدگی کی جانچ پڑتال صبح 11 بج کر 15 منٹ پر کی جائے گی۔
امیدواروں کے پاس کاغذاتِ نامزدگی واپس لینے کا آخری وقت صبح 11 بج کر 45 منٹ مقرر کیا گیا ہے، جس کے بعد امیدواروں کی حتمی فہرست دوپہر 12 بجے جاری کی جائے گی۔ اسپیکر کا انتخاب دوپہر 2 بجے جبکہ ڈپٹی اسپیکر کے لیے ووٹنگ 3 بجے ہوگی، اور دونوں عہدیداران کا حلف بھی آج ہی اٹھایا جائے گا۔
ذرائع کے مطابق مسلم لیگ (ن) نے اسپیکر کے عہدے کے لیے طارق فاروق کو نامزد کیا ہے جبکہ پیپلز پارٹی کی جانب سے قاسم مجید کو امیدوار نامزد کیا گیا ہے۔
دیکھیے: آزاد کشمیر: مخصوص نشستوں پر ن لیگ کی برتری، حکومت سازی کا مرحلہ شروع
