افغانستان کے صوبہ بدخشاں کے ضلع زیبک میں طالبان اور افغانستان فریڈم فرنٹ کے درمیان تازہ جھڑپیں ہوئیں، جس سے علاقے میں طالبان مخالف مسلح مزاحمت میں مزید شدت آنے کا عندیہ ملتا ہے۔
افغانستان فریڈم فرنٹ کے مطابق جھڑپیں دوپہر سے رات 10 بجے تک جاری رہیں۔ طالبان نے دفاعی پوزیشنوں اور بنکروں پر توپ خانے سے حملے کیےگئے۔
افغانستان فریڈم فرنٹ نے دعویٰ کیا کہ اس کی جوابی کارروائی میں 10 طالبان جنگجو ہلاک اور 6 زخمی ہوئے، جن میں بعض غیر ملکی جنگجو بھی شامل تھے۔
بیان کے مطابق طالبان نے ہلاک اور زخمی جنگجوؤں کو نامعلوم مقامات پر منتقل کیا، جبکہ جھڑپوں کے بعد فریڈم فرنٹ نے اپنی پوزیشنیں مزید مضبوط کرلی ہیں۔
بدخشاں میں حالیہ عرصے کے دوران طالبان مخالف گروہوں کی سرگرمیوں میں اضافے کے دعوے سامنے آتے رہے ہیں، جس سے صوبے میں مسلح مزاحمت کے برقرار رہنے کی نشاندہی ہوتی ہے۔
دیکھیے: افغانستان: طالبان مخالف مسلح مزاحمت میں شدت، فیض آباد حملے میں 3 اہلکار ہلاک
