وزیرستان کے علاقے جنکھیل میں سکیورٹی فورسز نے انٹیلی جنس بیسڈ آپریشن کے دوران کالعدم تحریک طالبان پاکستان کے اہم کمانڈر مشتاق عرف جنم کو ہلاک کر دیا۔
ذرائع کے مطابق کارروائی خفیہ اطلاعات کی بنیاد پر کی گئی، جس میں دہشتگرد کمانڈر مشتاق عرف جنم کو نشانہ بنایا گیا۔ ہلاک ہونے والا کمانڈر ٹی ٹی پی کے مجلس عسکری سے وابستہ آئی ایم پی گروپ کا اہم کمانڈر بتایا جاتا تھا۔
مشتاق عرف جنم کو علاقے میں دہشتگرد سرگرمیوں اور نیٹ ورک کی آپریشنل صلاحیتوں میں اہم کردار ادا کرنے والا کمانڈر قرار دیا جاتا تھا۔ اس کی ہلاکت کو ٹی ٹی پی کے لیے قیادت اور کمانڈ اینڈ کنٹرول کے حوالے سے ایک بڑا نقصان قرار دیا جا رہا ہے۔
سکیورٹی فورسز کی جانب سے علاقے میں دہشتگرد عناصر کے خلاف کارروائیوں کا سلسلہ جاری ہے، جبکہ انٹیلی جنس معلومات کی بنیاد پر مزید ممکنہ اہداف کے خلاف کارروائیاں بھی کی جا رہی ہیں۔
دیکھیے: کے پی اور بلوچستان میں انٹیلی جنس بیسڈ آپریشنز، 11 دہشت گرد ہلاک