وزیراعظم شہباز شریف کرغزستان کے دارالحکومت بشکیک پہنچ گئے، جہاں وہ شنگھائی تعاون تنظیم کے سربراہی اجلاس میں پاکستانی وفد کی قیادت کریں گے۔
وزیراعظم شہباز شریف 31 اگست سے 2 ستمبر تک بشکیک میں قیام کریں گے۔ دورے کے دوران وہ مختلف ممالک کے رہنماؤں سے اہم دوطرفہ ملاقاتیں بھی کریں گے۔
وزیر اعظم شہباز شریف بشکیک میں دوطرفہ دورہ بھی کریں گے، جس کے دوران باہمی دلچسپی کے امور اور دوطرفہ تعلقات پر تبادلہ خیال کیا جائے گا۔
اجلاس کے اختتام پر پاکستان شنگھائی تعاون تنظیم کی صدارت سنبھالے گا۔ پاکستان پہلی مرتبہ تنظیم کی صدارت حاصل کرے گا، جو ملک کے لیے ایک اہم سفارتی پیش رفت ہے۔
شنگھائی تعاون تنظیم کے قیام کو 25 برس مکمل ہو چکے ہیں۔ سربراہی اجلاس میں رکن ممالک کے درمیان علاقائی سلامتی، اقتصادی تعاون اور باہمی روابط کے فروغ سمیت مختلف اہم امور پر تبادلہ خیال کیا جائے گا۔
دیکھیے: پاکستان 2027 میں شنگھائی تعاون تنظیم سمٹ کی میزبانی کرے گا، وزیراعظم
