بلوچستان میں فتنۃ الہندوستان کے خلاف سکیورٹی فورسز کی کارروائیاں جاری ہیں۔ چاغی میں انٹیلی جنس بیسڈ آپریشن کے دوران 12 دہشت گرد ہلاک ہوگئے۔
سکیورٹی ذرائع کے مطابق آپریشن مصدقہ خفیہ اطلاعات کی بنیاد پر کیا گیا۔ کارروائی کے دوران سکیورٹی فورسز اور فتنۃ الہندوستان سے وابستہ دہشت گردوں کے درمیان فائرنگ کا تبادلہ ہوا۔
فائرنگ کے نتیجے میں 12 دہشت گرد ہلاک ہوگئے۔ سکیورٹی فورسز نے دہشت گردوں کے ٹھکانوں کو بھی نشانہ بنایا۔
کارروائی کے بعد ہلاک دہشت گردوں کے قبضے سے بڑی مقدار میں اسلحہ اور گولہ بارود برآمد کیا گیا۔
سکیورٹی فورسز بلوچستان میں دہشت گرد عناصر کے خلاف کارروائیاں جاری رکھے ہوئے ہیں۔ حکام کے مطابق دہشت گردی کے خاتمے تک انٹیلی جنس بنیادوں پر آپریشنز کا سلسلہ جاری رہے گا۔
