سکیورٹی فورسز نے قافلے پر دہشت گردوں کا حملہ ناکام بنا دیا۔ کارروائی میں 18 دہشت گرد ہلاک ہوگئے۔
سکیورٹی ذرائع کے مطابق دہشت گردوں نے 31 اگست کو سکیورٹی فورسز کے قافلے پر حملے کی کوشش کی۔ تاہم، اہلکاروں نے بروقت کارروائی کرتے ہوئے حملہ ناکام بنا دیا۔
سکیورٹی آپریشن
سکیورٹی فورسز نے دہشت گردوں کو گھیرے میں لے لیا۔ فائرنگ کے ابتدائی تبادلے میں 12 دہشت گرد مارے گئے۔ بعد ازاں فرار ہونے والے دہشت گردوں کا تعاقب کیا گیا۔ اس دوران مزید 6 دہشت گرد ہلاک ہوگئے۔ یوں کارروائی میں ہلاک دہشت گردوں کی مجموعی تعداد 18 ہوگئی۔
کیپٹن عبید شہید
شدید فائرنگ کے دوران کیپٹن عبید نے وطن کے دفاع میں جام شہادت نوش کیا۔ قوم نے کیپٹن عبید کی قربانی کو خراج عقیدت پیش کیا ہے۔ سکیورٹی فورسز کی کارروائیاں تاحال جاری ہیں۔ علاقے میں دہشت گردوں کی تلاش اور کلیئرنس کا عمل جاری ہے۔
دیکھیے: چاغی میں فورسز کا بڑا آپریشن، فتنۃ الہندوستان کے 12 دہشت گرد ہلاک
