وزیراعظم شہباز شریف نے انٹرنیشنل اسلامک یونیورسٹی کی طالبہ لائبہ اعجاز کی خودکشی کے واقعے کا نوٹس لیتے ہوئے متعلقہ حکام کو ملزم کی فوری گرفتاری کی ہدایت کردی۔
وزیراعظم نے واقعے پر افسوس کا اظہار کرتے ہوئے کہا کہ نوجوان طالبہ کی خودکشی انتہائی افسوس ناک ہے۔ انہوں نے اسلام آباد کے انسپکٹر جنرل پولیس اور چیف کمشنر کو ہدایت کی کہ طالبہ کے ساتھ مبینہ فراڈ کرنے والے ملزم کو فوری طور پر گرفتار کیا جائے۔
شہباز شریف کی ہدایت
وزیراعظم شہباز شریف نے ہدایت کی کہ ملزم کو قانون کے مطابق قرار واقعی سزا دلانے کے لیے کارروائی کی جائے۔ ان کا کہنا تھا کہ اس معاملے میں ذمہ دار شخص کے خلاف قانونی کارروائی ہونی چاہیے۔
یہ واقعہ اسلام آباد میں طالبہ کی مبینہ خودکشی سے متعلق ہے، جس پر وزیراعظم نے فوری کارروائی کا حکم دیا ہے۔
اس سے قبل وزارت داخلہ نے بھی طالبہ کی مبینہ خودکشی کے معاملے کا نوٹس لیتے ہوئے وفاقی تحقیقاتی ادارے (ایف آئی اے) کو فوری کارروائی کی ہدایت کی تھی۔