اسلام آباد: علیمہ خان کے ایک بیان پر تنازع سامنے آ گیا ہے جس میں انہوں نے افغانستان میں مبینہ ہسپتال پر حملے کی مذمت کی۔ اس بیان کے بعد سوشل میڈیا پر شدید ردعمل دیکھنے میں آ رہا ہے۔
رپورٹس کے مطابق انہوں نے پریس کانفرنس میں کہا کہ وہ افغانستان میں منشیات کے عادی افراد کے ہسپتال پر حملے کی مذمت کرتی ہیں۔ تاہم بعض حلقوں نے اس بیان کو تنقید کا نشانہ بنایا اور اس کے پس منظر پر سوالات اٹھائے۔
وزارت اطلاعات سے منسلک فیکٹ چیکنگ ذرائع کے مطابق سوشل میڈیا پر گردش کرنے والی معلومات میں تضادات پائے جاتے ہیں، جبکہ اس حوالے سے مزید وضاحت سامنے نہیں آئی۔
پریس کانفرنس کے دوران ایک صحافی کی جانب سے سوال کیا گیا کہ آیا افغانستان میں طالبان حکومت سے متعلق پروپیگنڈا بے نقاب ہو چکا ہے۔ ذرائع کے مطابق علیمہ خان نے اس سوال کو نامناسب قرار دیا اور بغیر جواب دیے پریس کانفرنس ختم کر دی۔
دیکھئیے:علیمہ خان اور سہیل آفریدی کے مقدمات: سوشل میڈیا پر تنقیدی بیانیہ زیر گردش