لاہور: پاکستان سپر لیگ (پی ایس ایل) 11 میں گیند سے چھیڑ چھاڑ کے معاملے پر لاہور قلندرز کے اوپنر فخر زمان کو لیول تھری جرم کے تحت چارج کر دیا گیا ہے۔
پاکستان کرکٹ بورڈ (پی سی بی) کے اعلامیے کے مطابق فخر زمان پر پی ایس ایل پلیئنگ کنڈیشنز کے آرٹیکل 41.3 کی خلاف ورزی کا الزام عائد کیا گیا ہے، جو گیند کی حالت میں غیر قانونی تبدیلی سے متعلق ہے۔
پی سی بی کے مطابق میچ ریفری روشن ماہنامہ نے اس معاملے پر ڈسپلنری سماعت کی، تاہم فخر زمان نے اپنے اوپر لگائے گئے الزامات کو مسترد کر دیا ہے۔
بورڈ کا کہنا ہے کہ کیس کی مزید سماعت آئندہ 48 گھنٹوں میں مکمل کی جائے گی، جس کے بعد میچ ریفری حتمی فیصلہ سنائیں گے۔
واضح رہے کہ ایچ بی ایل پی ایس ایل 11 کے چھٹے میچ میں کراچی کنگز کی اننگز کے دوران گیند کی حالت میں تبدیلی پر لاہور قلندرز کو 5 رنز کی پنالٹی بھی دی گئی تھی۔
اس میچ میں لاہور قلندرز نے پہلے بیٹنگ کرتے ہوئے 20 اوورز میں 9 وکٹوں کے نقصان پر 128 رنز بنائے تھے، جبکہ کراچی کنگز نے ہدف آخری اوور میں 4 وکٹوں کے نقصان پر حاصل کرتے ہوئے میچ 4 وکٹوں سے جیت لیا تھا۔
دیکھئیے:پاکستان کیلئے فخر کا لمحہ، بیڈمنٹن اسٹار سروت فاطمہ نے ڈبل گولڈ میڈل جیت کر تاریخ رقم کر دی
