لوئر دیرمیں پاکستانی قومی کرکٹ ٹیم کے نامور فاسٹ باؤلر نسیم شاہ کی رہائش گاہ پر نامعلوم مسلح افراد کی فائرنگ۔ حملہ آوروں نے نسیم شاہ کے گھر کے مرکزی دروازے، کھڑکیوں اور ایک گاڑی کو نقصان پہنچایا۔
واقعے کی اطلاع ملتے ہی پولیس نے علاقے کا محاصرہ کیا، تاہم ملزمان موقعے سے فرار ہونے میں کامیاب ہو گئے۔
خیبر پختونخوا پولیس نے تھانہ معیار میں نسیم شاہ کے گھر پر فائرنگ کا مقدمہ درج کر لیا ہے۔ پولیس نے ابتدائی طور 5 مشتبہ افراد کو گرفتار کرلیا ہے۔ مزید ملزمان کو گرفتار کرنے کے لیے تفتیش و کارروائی جاری ہے۔
پولیس حکام کا کہنا ہے کہ شہریوں کی جان و مال کے تحفظ اور قانون کی حکمرانی کو یقینی بنانے کے لیے تمام ممکنہ اقدامات کیے جا رہے ہیں۔
دیکھیں: نیوزی لینڈ کے اسٹار بیٹر کین ولیمسن نے ٹی ٹوئنٹی انٹرنیشنل کرکٹ کو خیرباد کہہ دیا