جنوبی افریقہ سیریز کے لئے قومی سلیکشن کمیٹی نے 18 رکنی اسکواڈ کا اعلان کر دیا ہے۔
شان مسعود ٹیم کی قیادت جاری رکھیں گے جبکہ تین نئے کھلاڑیوں کو ٹیم میں شامل کیا گیا ہے، نئے کھلاڑیوں میں آصف آفریدی، فیصل اکرم اور روحیل نذیر شامل ہیں۔
ایشیا کپ کھیلنے والے کھلاڑی 4 اکتوبر کو اسکواڈ کو جوائن کریں گے۔
اسکواڈ میں بابر اعظم، محمد رضوان اور شاہین شاہ آفریدی بھی شامل ہیں۔ شان مسعود اور تین نئے کھلاڑیوں کے علاوہ عبداللہ شفیق، امام الحق، سلمان علی آغا اور سعود شکیل بھی اسکواڈ کا حصہ ہیں۔
اسکواڈ میں عامر جمال، حسن علی، خرّم شہزاد، نعمان علی، ساجد خان، کامران غلام، ابرار احمد شامل ہیں۔ پہلے ٹیسٹ سے قبل اسکواڈ مزید مختصر کیا جائے گا۔
ٹیسٹ اسکواڈ میں نسیم شاہ، میر حمزہ اور صائم ایوب کو شامل نہیں کیا گیا۔
پاکستان اور جنوبی افریقہ کے درمیان پہلا ٹیسٹ 12 سے 16 اکتوبر کو لاہور کے قذافی اسٹیڈیم میں کھیلا جائے گا۔ دوسرا ٹیسٹ 20 سے 24 اکتوبر راولپنڈی میں کھیلا جائے گا۔
کیمپ آج 30 ستمبر سے 8 اکتوبر تک لاہور میں جاری رہے گا۔
دیکھیں: پاکستان کرکٹ ٹیم نے ایشیا کپ فائنل میچ کی فیس 7 مئی کے شہدا کے نام کر دی