اسلام آباد: وزیر اعظم آفس نے اعلان کیا ہے کہ 23 مارچ کو یومِ پاکستان پریڈ اور اس سے منسلک تمام تقریبات منعقد نہیں کی جائیں گی، جبکہ دن کو سادگی اور وقار کے ساتھ منایا جائے گا۔
وزیراعظم آفس سے جاری اعلامیے کے مطابق یہ فیصلہ کفایت شعاری اقدامات کے تحت کیا گیا ہے۔ اعلامیے میں کہا گیا ہے کہ یومِ پاکستان پر سادہ پرچم کشائی کی تقریبات منعقد ہوں گی۔
حکام کا کہنا ہے کہ تمام وزارتوں، ڈویژنز اور محکموں کو ہدایت کی گئی ہے کہ یومِ پاکستان کو سادگی اور وقار کے ساتھ منایا جائے، جبکہ قومی دن کی اہمیت اور اس کا پیغام بھی اجاگر کیا جائے۔
اعلامیے میں مزید کہا گیا ہے کہ یومِ پاکستان کے نظریات سے وابستگی کے ساتھ ساتھ وسیع تر کفایت شعاری پالیسی پر بھی عمل جاری رکھا جائے گا۔
دیکھئیے:پاکستان اگر تیل خریدنا چاہے، تو سستا تیل دیں گے؛ روسی سفیر