قومی کرکٹر صاحبزادہ فرحان آئی سی سی پلیئر آف دی منتھ قرار، شاندار کارکردگی کا عالمی اعتراف

لاہور: قومی کرکٹر صاحبزادہ فرحان کو فروری میں غیر معمولی کارکردگی پر انٹرنیشنل کرکٹ کونسل (آئی سی سی) نے پلیئر آف دی منتھ قرار دے دیا۔

آئی سی سی کے مطابق صاحبزادہ فرحان نے ٹی ٹوئنٹی ورلڈ کپ کی 6 اننگز میں 383 رنز اسکور کیے، جس میں 2 سنچریاں بھی شامل تھیں، اور اسی کارکردگی کی بنیاد پر انہیں یہ اعزاز دیا گیا۔

ایوارڈ کی دوڑ میں انگلینڈ کے ول جیکس اور امریکا کے شیڈلے وین شیلوک بھی شامل تھے، تاہم پاکستانی بیٹر نے سب کو پیچھے چھوڑ دیا۔

چیئرمین پی سی بی محسن نقوی نے صاحبزادہ فرحان کو مبارکباد دیتے ہوئے کہا کہ یہ اعزاز پاکستان کرکٹ کے لیے باعث فخر ہے۔ انہوں نے کہا کہ یہ کامیابی ان کی محنت اور پروفیشنل اپروچ کا نتیجہ ہے۔

محسن نقوی کا کہنا تھا کہ امید ہے صاحبزادہ فرحان اپنی شاندار کارکردگی کا تسلسل برقرار رکھیں گے اور مستقبل میں مزید کامیابیاں حاصل کریں گے۔

دیکھئیے:پی ایس ایل 11 شیڈول کے مطابق 26 مارچ سےشروع ہو گی، میچز بغیر شائقین کے ہوں گے: محسن نقوی