لاہور: چیئرمین پاکستان کرکٹ بورڈ محسن نقوی نے اعلان کیا ہے کہ پاکستان سپر لیگ 11 شیڈول کے مطابق 26 مارچ سے شروع ہوگی، تاہم موجودہ صورتحال کے باعث میچز بغیر شائقین کے کھیلے جائیں گے۔
لاہور میں پریس کانفرنس کرتے ہوئے محسن نقوی نے کہا کہ لیگ کے انعقاد سے متعلق مشاورت کے بعد فیصلہ کیا گیا ہے کہ ایونٹ ملتوی نہیں کیا جائے گا کیونکہ یہ ایک بین الاقوامی برانڈ ہے اور اس میں غیر ملکی کھلاڑی بھی شریک ہیں۔
انہوں نے بتایا کہ پی ایس ایل کے میچز صرف کراچی اور لاہور میں ہوں گے اور ٹیموں کی نقل و حرکت کم رکھنے کے لیے نیا شیڈول جاری کیا جائے گا۔
چیئرمین پی سی بی نے کہا کہ افتتاحی تقریب منسوخ کر دی گئی ہے جبکہ فرنچائزز کو گیٹ منی پی سی بی ادا کرے گا۔ ان کا کہنا تھا کہ شائقین اپنے ٹکٹ کے پیسے واپس لے سکیں گے اور اس فیصلے پر مداحوں سے معذرت خواہ ہیں۔
دیکھئیے:آئی پی ایل نمبر ون نہیں بن سکی، عالمی کرکٹ لیگز میں نئی رینکنگ جاری