لاہور: قومی ٹیم کے فاسٹ بولر اور ون ڈے ٹیم کے کپتان شاہین شاہ آفریدی نے امریکا۔ایران جنگ بندی میں پاکستان کے کردار کو سراہتے ہوئے قومی قیادت پر اعتماد کا اظہار کیا ہے۔
سماجی رابطے کی ویب سائٹ ایکس پر جاری اپنے بیان میں شاہین آفریدی کا کہنا تھا کہ عالمی امن کیلئے پاکستان کا مثبت کردار باعثِ فخر ہے۔
انہوں نے وزیراعظم شہباز شریف اور فیلڈ مارشل عاصم منیر کی کاوشوں کو سراہتے ہوئے کہا کہ دونوں رہنماؤں نے امن کے قیام کیلئے اہم اور مؤثر کردار ادا کیا۔
شاہین آفریدی کا کہنا تھا کہ مذاکرات اور استحکام کے فروغ کیلئے قومی قیادت کی کوششیں قابلِ ستائش ہیں اور یہ پیش رفت انسانیت کی جیت ہے۔
انہوں نے مزید کہا کہ پاکستان نے دنیا کو امید کی ایک نئی راہ دکھائی ہے اور ملک امن، اتحاد اور روشن مستقبل کی جانب گامزن ہے۔
قومی کپتان نے اپنے پیغام کے اختتام پر کہا کہ انہیں پاکستانی ہونے پر فخر ہے۔
دیکھئیے:کراچی کنگز کے کپتان ڈیوڈ وارنر پر مقدمہ درج، آسٹریلوی عدالت نے طلب کرلیا
