امریکی ریاست فلوریڈا کے گورنر نے 9 دسمبر 2025 کو ایک صدارتی حکم نامے کے ذریعے ”مسلم برادر ہوڈ” اور ”امریکن اسلامی ریلیشن” کو “غیر ملکی دہشت گرد تنظیمیں” قرار دے دیا ہے۔
گورنر ڈی سینٹس کے حکم نامے میں کہا گیا ہے کہ وہ تمام قانونی اقدامات اٹھائیں گے، اور ان تنظیموں یا ان کی معاونت کرنے والوں کو کسی قسم کے ریاستی معاہدے، فنڈنگ، کونٹریکٹ یا وسائل فراہم نہیں کیے جائیں گے۔
حکم نامے کے مطابق ملک و ریاست کی سکیورٹی اور قانون و آئین کے خلاف خطرہ قرار دیا گیا ہے۔ گورنر کا کہنا تھا کہ یہ اقدام ریاست کے شہریوں کی حفاظت اور “شدت پسند نظریات” کے پھیلاؤ کو روکنے کے لیے ضروری ہے۔
تاہم، امریکی وفاقی حکومت نے ”امریکن اسلامی ریلیشن” یا مسلم براد ہوڈ کو “دہشت گرد تنظیم” قرار نہیں دیا۔ یو ایس وزارتِ خارجہ کی آفیشل فہرست میں یہ دونوں ادارے شامل نہیں ہیں۔
”امریکن اسلامی ریلیشن” نے اس فیصلے کی شدید مذمت کی ہے اور اسے “غیر آئینی” اور “تہمت آمیز” قرار دیتے ہوئے عدالت جانے کا عندیہ دیا ہے۔ ”امریکن اسلامی ریلیشن” کا کہنا ہے کہ ان پر لگائے گئے الزامات بے بنیاد ہیں اور وہ اپنا دفاع آئینی عدالتوں میں کریں گے۔
یہ اقدام چند روز پہلے ریاست ٹیکساس کے گورنر گریگ ایبٹ کی جانب سے مسلم برادر ہوڈ اور ”امریکن اسلامی ریلیشن” کو اسی طرح کی دہشت گرد تنظیم قرار دینے کے فیصلے کے بعد آیا ہے۔
دیکھیں: افغانستان نے روس سے تیل کی براہ راست درآمد کا آغاز کر دیا