صوبائی دارالحکومت پشاور میں رواں سال جرائم کی بڑھتی ہوئی شرح کے حوالے سے پولیس نے تفصیلی رپورٹ جاری کی ہے۔ رپورٹ کے مطابق رواں سال پشاور میں 517 افراد قتل، 785 اقدام قتل اور اغوا کے 29 واقعات رپورٹ ہوئے ہیں۔
پولیس رپورٹ میں بتایا گیا کہ رواں ماہ کے پہلے 19 دنوں میں 19 افراد قتل ہوئے، جبکہ جنوری سے 29 نومبر تک شہر میں اقدام قتل کے 785 واقعات درج کیے گئے۔ سنیچنگ کے دوران راہزنوں نے 10 شہریوں کو زخمی بھی کیا۔ شہر میں اغوا کے 29 جبکہ اغوا برائے تاوان کے 9 اور بچوں کے اغوا کے 8 واقعات سامنے آئے۔
رپورٹ میں چوری و ڈکیتی کے 370، کار لفٹنگ کے 89 اور کار سنیچنگ کے 40، موٹر سائیکل لفٹنگ کے 219 اور موٹر سائیکل سنیچنگ کے 314 واقعات بھی شامل کیے گئے ہیں۔ پولیس کا کہنا ہے کہ “رواں سال پشاور میں 517 افراد قتل کے واقعات رپورٹ ہوئے ہیں”، جو شہر میں بڑھتی ہوئی جرائم کی شدت کو ظاہر کرتے ہیں۔