پاکستان اور افغانستان کے درمیان جنگ بندی معاہدے کے اثرات ظاہر ہونا شروع ہوگئے۔ دونوں ممالک نے تجارت کے لیے سرحدی راستے کھولنے پر اتفاق کر لیا ہے۔
تفصیلات کے مطابق طورخم، انگور اڈہ اور غلام خان بارڈر سمیت دیگر اہم سرحدی راستے آئندہ چند دنوں میں تجارت کے لیے کھول دیے جائیں گے۔ جبکہ اسپین بولدک بارڈر پر تجارت کے لیے پہلے ہی کھول دیا گیا ہے۔
ذرائع کے مطابق کسٹم اسٹاف کو فوری طور پر اپنے اپنے مقامات پر پہنچنے کی ہدایت جاری کردی گئی ہے اور سیکیورٹی انتظامات کو مزید بہتر بنانے کے لیے دیگر محکموں کو بھی ضروری ہدایات دی گئیں ہیں۔
ماہرین کے نزدیک پاک افغان سرحد کی بحالی سے نہ صرف دونوں ممالک کو معاشی طورپر فائدہ پہنچے گا بلکہ یہ خطے میں کامیاب جنگ بندی کے بعد کامیاب سفارت کاری کی جانب بھی ایک اہم قدم ہے۔
دیکھیں: چین نے پاک افغان جنگ بندی معاہدے کو خوش آئند قرار دے دیا