پاکستان کرکٹ بورڈ نے جنوبی افریقہ، سری لنکا اور سہ فریقی ٹی 20 سیریز کے لیے ٹیم کا اعلان کردیا۔ پی سی بی کے مطابق ٹی 20 اسکواڈ 15 اور ون ڈے 16 کھلاڑیوں پر مشتمل ہوگا۔ ٹی ٹوئنٹی میں پاکستانی ٹیم کی کپتانی سلمان علی آغا اور ون ڈے میں شاہین شاہ آفریدی کریں گے۔
پاکستان کرکٹ بورڈ کے مطابق بابر اعظم اور نسیم شاہ ٹی 20 میں اپنی صلاحیتیں دکھائیں گے، جبکہ فاسٹ بولر عثمان طارق کو پہلی بار ٹیم میں شامل کیا گیا ہے۔
ٹی 20 ٹیم کے کپتان سلمان علی آغا برقرار
ٹی 20 ٹیم میں سلمان علی آغا کپتان ہونگے، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان، صائم ایوب، شاہین شاہ آفریدی، عثمان خان اور عثمان طارق ٹیم میں شامل ہیں۔
ون ڈے ٹیم کے کپتانی شاہین شاہ آفریدی کے سپرد
دوسری جانب ون ڈے کی ٹیم میں شاہین شاہ آفریدی کپتان ہونگے، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللّٰہ، حسن نواز، حسین طلعت، محمد نواز، محمد رضوان ، محمد وسیم جونیئر، نسیم شاہ، صائم ایوب، سلمان علی آغا ٹیم میں شامل ہیں۔
وائٹ بال سیریز کا شیڈول
پاکستان کرکٹ بورڈ کے مطابق پاکستان اور جنوبی افریقہ کے درمیان ٹی 20 سیریز 28 اکتوبر سے یکم نومبر تک اور ون ڈے 4 سے 8 نومبر تک فیصل آباد میں ہوگا۔
اسی طرح پاکستان اور سری لنکا کے درمیان ون ڈے سیریز 11 سے 15 نومبر تک راولپنڈی کرکٹ اسٹیڈیم میں کھیلی جائے گی، جبک پاکستان، سری لنکا، زمبابوے کے درمیان ٹی 20 سیریز 17 سے 29 نومبر تک راولپنڈی اور لاہور میں کھیلی جائے گی۔
دیکھیں: جنوبی افریقہ کے خلاف ٹیسٹ سیریز کیلئے 18 رکنی اسکواڈ کا اعلان کر دیا گیا