پاک فوج کے ترجمان لیفٹیننٹ جنرل احمد شریف چوہدری نے اپنے بیان میں واضح کیا ہے کہ پاکستان مسائل کے حل کے لیے مذاکرات اور بات چیت کو ترجیح دیتا ہے لیکن اس شرط کی بنیاد پر کہ کوئی بھی غیر ملکی سرزمین پاکستان کے خلاف استعمال نہیں ہوگی۔
پاک فوج کے ترجمان کے مطابق فریقین کے مابین مذاکراتی عمل جاری رہے گا اور حکومتِ پاکستان قیامِ امن کے لیے پرعزم ہے۔ تاہم اگر افغان سرزمین سے پاکستان پر حملہ ہوا تو اسے جنگ بندی معاہدے کی خلاف ورزی تصور کیا جائے گا۔ اور ایسی صورت میں ریاستِ پاکستان افغانستان میں دہشت گردوں کے ٹھکانوں کو نشانہ بنا کر جوابی کارروائی کرے گی۔
لیفٹیننٹ جنرل احمد شریف چوہدری نے پاکستان کی پُرامن اور مذاکرات پر مبنی پالیسی کو واضح کرتے ہوئے کہا کہ ہماری ایک ہی شرط ہے کہ کسی بھی ملک کی سرزمین ہمارے خلاف استعمال نہ ہو۔
پاک فوج کے ترجمان نے مزید کہا کہ افغانستان سے پاکستان میں ہونے والا کوئی بھی حملہ جنگ بندی معاہدے کا خاتمہ سمجھا جائے گا اور پاکستان کی جانب سے اس کا دوٹوک جواب افغانستان کی حدود میں دیا جائے گا۔
دیکھیں: افغان انٹیلی جنس کا کالعدم ٹی ٹی پی کو پاکستان میں داخلے کی اجازت دینے کا انکشاف