پانچ لاکھ سے زائد افغان پاکستانی پاسپورٹس پر بیرون ملک مقیم، جرائم میں بھی ملوث ہیں؛پاکستان

وزارت داخلہ نے سینیٹ کی قائمہ کمیٹی برائے انسانی حقوق کو بریفنگ دیتے ہوئے انکشاف کیا ہے کہ ساڑھے پانچ لاکھ سے زائد افغان شہری پاکستانی پاسپورٹس پر بیرون ملک مقیم ہیں۔ بریفنگ میں بتایا گیا کہ یہ افغان شہری سعودی عرب سمیت دیگر ممالک گئے اور وہاں اپنے آپ کو پاکستانی ظاہر کرتے ہیں، اور بعض ممالک میں قتل، بھتہ خوری، اغوا برائے تاوان اور دیگر بڑے جرائم میں ملوث پائے گئے ہیں۔

وزارت داخلہ کے حکام نے کمیٹی کو آگاہ کیا کہ “جرائم افغان شہری کرتے ہیں جو پاکستان کے کھاتے میں ڈالے جاتے ہیں، پاکستان شہریوں کے بڑے جرائم میں اتنا حصہ نہیں ہوتا”۔ حکام نے مزید کہا کہ انہوں نے ساڑھے پانچ لاکھ سے زائد افغان شہریوں کا ڈیٹا نادرا کے ذریعے حاصل کیا اور اب 18 سے 20 کروڑ پاکستانیوں کا ڈیٹابھی ڈیجیٹل طور پر جمع کر لیا گیا ہے۔

“ہمارے پاس اس کی تمام تفصیلات موجود ہیں”، حکام نے کمیٹی کو یقین دہانی کرائی۔

یہ اقدام حکام کے مطابق انسانی حقوق کی نگرانی اور بیرون ملک مقیم افغان شہریوں کے رجسٹریشن اور نگرانی کے لیے کیا گیا ہے۔