نائب وزیرِ اعظم اسحاق ڈار نے کہا ہے کہ پاکستانی افواج نے 2025 میں بھارتی حملوں کا دوٹوک اور مؤثر جواب دیا ہے۔ اسحاق ڈارنے پریس کانفرنس کرتے ہوئے کہا کہ مسئلۂ کشمیر کے حل کے بغیر خطے میں امن قائم نہیں ہو سکتا۔ انہوں نے مقبوضہ کشمیر میں جاری انسانی حقوق کی سنگین خلاف ورزیوں پر گہری تشویش کا اظہار کیا۔
اسحاق ڈار کا کہنا تھا کہ چار روزہ فوجی تنازعے کے دوران پاکستان نے 80 ڈرونز کیے، جن میں سے 79 کو دفاعی نظام کے ذریعے نشانہ بنایا گیا۔ اس کارروائی میں پاکستان کا صرف ایک شخص زخمی ہوا۔ انہوں نے بھارت کی جانب سے مقبوضہ کشمیر میں کی جانے والی جغرافیائی و انتظامی تبدیلیوں کی سختی سے مذمت کی اور واضح کیا کہ مسئلۂ کشمیر صرف اور صرف کشمیری عوام کے حق خودارادیت سے ہی حل ہو سکتا ہے۔
نائب وزیر اعظم نے پاکستان کی معاشی صورت حال اور دوست ممالک کے تعاون کا ذکر بھی کیا۔ انہوں نے بتایا کہ متحدہ عرب امارات کے ساتھ ایک ارب ڈالر کے معاہدے پر جلد عمل متوقع ہے جبکہ سعودی عرب، چین اور دیگر اتحادی ممالک کی تعاون جاری ہے۔ ان کا کہنا تھا کہ بیرونی سرمایہ کاری سے مالیاتی دباؤ میں کمی آئے گی، جو پاکستان کے لیے زیادہ فائدہ مند ثابت ہوگی۔
دیکھیں: پاکستان اور متحدہ عرب امارات: برادرانہ تعلقات کا نیا عہد