بھارتی ایئر فورس نے پاکستانی سرحد کے قریب گجرات کے بعض علاقوں میں بڑے پیمانے پر فضائی مشقوں کا اعلان کیا ہے۔ اس سلسلے میں 20 جنوری سے 21 جنوری تک فضائی حدود کو بین الاقوامی پروازوں کے لئے بند کر کے انڈین ایئر فورس کی مشق کے لیے خالی کرنے کا نوٹس جاری کر دیا ہے۔
واضح رہے کہ ان مشقوں میں رافیل، سخوئی-30 ایم کے آئی، جیگوار سمیت فرنٹ لائن لڑاکا طیارے بھی حصہ لیں گے۔ ان مشقوں میں تیز رفتار پروازیں، ہوائی لڑائی کی مشق اور ممکنہ طور پر براہ راست فائرنگ یا بمباری کی تربیت بھی شامل ہوگی۔
اہم بات یہ ہے کہ محدود فضائی زون پاکستان کے ساتھ بھارت کی جنوبی سرحد کے حساس علاقے پر محیط ہے جس میں بحیرہ عرب، سر کریک، راجکوٹ اور احمد آباد کے نزدیکی علاقے شامل ہیں۔
