پاکستانی شوبز انڈسٹری کے سینئر اداکار نعمان اعجاز نے انڈسٹری کے اندر پائے جانے والے کینہ اور بغض کے رجحان پر تشویش ظاہر کی ہے۔ حالیہ انٹرویو میں انہوں نے کہا کہ شوبز میں ہر کوئی ایک دوسرے کے لیے بغض رکھتا ہے اور اگر کوئی کسی پروجیکٹ سے انکار کرتا ہے تو لوگ اسے بُرا سمجھتے ہیں اور دوبارہ اس کے ساتھ کام کرنے سے گریز کرتے ہیں۔
نعمان اعجاز نے اپنے بیٹے زاویار کا ذکر کرتے ہوئے کہا کہ وہ دعا کرتے ہیں کہ دشمنوں کا بغض ان پر منتقل نہ ہو، تاہم بعض لوگ مختلف طریقوں سے اپنا بغض نکال رہے ہیں۔ انہوں نے کہا کہ زندگی میں ٹھوکر کھانا انسان کو مضبوط اور بڑا بناتا ہے اور انشاء اللہ زاویار یہ سمجھ جائے گا۔
اداکار نے نئی نسل کے بارے میں کہا کہ آج فنکار زیادہ تر سوشل میڈیا کی وجہ سے توجہ حاصل کر رہے ہیں، جس سے اصل ہنر پر کم توجہ دی جاتی ہے۔ سوشل میڈیا کے بڑھتے ہوئے اثرات کی وجہ سے پرستاروں میں تجسس اور دلچسپی بھی کم ہو گئی ہے، کیونکہ فنکار ہر دوسرے پلیٹ فارم پر نظر آ رہے ہیں۔
نعمان اعجاز نے اس بات پر زور دیا کہ فنکار اب اپنے ہنر کی بجائے اپنے ظاہر اور ایکسپوژر پر توجہ مرکوز کر رہے ہیں، جس سے شوبز انڈسٹری میں تخلیقی معیار اور اصلیت متاثر ہو رہی ہے۔
دیکھیں: پاکستان کا شفافیت اور صاف حکمرانی کی جانب تاریخی سفر جاری