برطانوی میڈیا کے مطابق 30 سالہ افغان شہری سہیل امیری نے برطانیہ میں دو خواتین کے ساتھ جنسی زیادتی کے الزامات کا اعتراف کر لیا ہے۔ رپورٹس کے مطابق ملزم نے ایک تیسری خاتون پر حملے کی کوشش کا بھی اعتراف کیا، تاہم اس کا کہنا تھا کہ وہ اس میں کامیاب نہیں ہو سکا۔ تیسری خاتون کے ساتھ جنسی زیادتی کے الزام کی اس نے تردید کی، جسے استغاثہ نے قبول کر لیا۔
عدالتی کارروائی کے دوران سہیل امیری نے یہ بھی تسلیم کیا کہ وہ اکتوبر 2023 میں غیر قانونی طور پر برطانیہ میں داخل ہوا تھا۔ برطانوی حکام کے مطابق ملزم اس وقت حراست میں ہے اور اس کی سزا کا اعلان 6 فروری کو متوقع ہے۔
برطانوی میڈیا کا کہنا ہے کہ کیس نے غیر قانونی امیگریشن اور سکیورٹی خدشات سے متعلق ایک بار پھر بحث کو جنم دیا ہے، جبکہ حکام کی جانب سے عدالتی فیصلے کے بعد آئندہ قانونی اقدامات کیے جائیں گے۔
دیکھیں: بھارتی وزیرِ خارجہ کے الزامات مسترد، دہشت گردی اور کشمیر پر پاکستان کا دوٹوک مؤقف برقرار
