ازبکستان کے صدر کی انتظامیہ کی سربراہ سیدا مرزا یوف نے اپنے پہلے انٹرویو میں ریاستی پالیسی کا بنیادی نعرہ “ہر شخص اہم ہے” قرار دیا۔ ان کا کہنا تھا ک انتظامیہ کا مرکزی کردار روزمرہ کے انتظامی معاملات سے بالاتر ہو کر ملکی اصلاحات کے اسٹریٹجیک فیصلوں کی تشکیل اور ان پر عمل درآمد کی نگرانی کرنا ہے۔
مرزا یوف نے مزید کہا کہ ازبکستان ایک نئے اصلاحی دور سے گزر رہا ہے، جس کی کامیابی مسلسل نگرانی اور عوامی شعور پر منحصر ہے۔ انہوں نے پانچ شعبوں کو ترجیحی بنیادوں پر بہتری کے لیے منتخب کیا ہے جن میں پانی کی فراہمی، تعلیم، صحت، اقتصادیات اور عدالتی نظام شامل ہیں۔
ان کے مطابق اصلاحات صرف سخت فیصلوں سے نہیں بلکہ مسلسل مذاکرات، عوام اور ریاست کے مابین اعتماد کے ذریعے ہی پوری طرح نافذ ہو سکتی ہیں۔ مرزا یوف نے اپنا بنیادی کام صدر کو زمینی حقائق کی بروقت اور درست معلومات فراہم کرنا بیان کیا، تاکہ اصلاحات کی مؤثر نگرانی ہو اور عوامی شکایات کا فوری تدارک ممکن ہو سکے۔
دیکھیں: کابل میں افغان طالبان کے سینئر انٹیلی جنس اہلکار مولوی نعمان غزنوی پراسرار طور پر ہلاک