Skip to content 
مقبوضہ جموں و کشمیر کے ضلع کشتواڑ میں سیکیورٹی صورتحال اچانک انتہائی کشیدہ ہو گئی ہے۔ ذرائع کے مطابق کشتواڑ کے علاقے سنگھ پورہ میں قابض بھارتی فورسز اور کشمیری مزاحمت کاروں کے درمیان آمنا سامنا ہوا، جس کے فوراً بعد دونوں جانب سے شدید فائرنگ کا تبادلہ شروع ہو گیا۔
مقامی ذرائع کا کہنا ہے کہ جھڑپ کے بعد بھارتی فوج نے پورے علاقے کو گھیرے میں لے لیا ہے اور سیکیورٹی اقدامات مزید سخت کر دیے گئے ہیں۔ اطلاعات کے مطابق بھارتی فورسز نے اضافی نفری بھی طلب کر لی ہے جبکہ داخلی و خارجی راستوں پر ناکہ بندی کر دی گئی ہے۔
تاحال کسی جانی نقصان کی سرکاری تصدیق نہیں ہو سکی، تاہم فائرنگ کے باعث علاقے میں خوف و ہراس پھیل گیا ہے اور شہریوں کو گھروں میں محدود رہنے کی ہدایات دی جا رہی ہیں۔ سیکیورٹی ذرائع کے مطابق آپریشن جاری ہے اور مزید تفصیلات کا انتظار کیا جا رہا ہے۔
دیکھیں: امریکہ کا 75 ممالک کے شہریوں کے لیے امیگرنٹ ویزا پروسیسنگ عارضی طور پر معطل کرنے کا فیصلہ
