پاکستان اسٹاک ایکسچینج نے ایک اور تاریخی کامیابی حاصل کرتے ہوئے اپنے بنچ مارک 100۔ انڈیکس کو پہلی بار ایک لاکھ 91 ہزار پوائنٹس کی نئی بلند ترین سطح تک پہنچا دیا۔ بازار میں کاروباری ہفتے کا آغاز 1,865 پوائنٹس کی زبردست تیزی کے ساتھ ہوا، جس کی بدولت انڈیکس نے تاریخی حد عبور کرتے ہوئے 191,000 کی نئی بلندی چھو لی۔ یہ اضافہ سرمایہ کاروں میں بڑھتی ہوئی پراعتمادی اور مثبت بنیادی عوامل کی عکاسی کرتا ہے۔
اس تاریخی موقع پر ایکسچینج کمپنیز ایسوسی ایشن آف پاکستان کے مطابق،انٹر بینک مارکیٹ میں امریکی ڈالر میں معمولی کمی دیکھی گئی، جو ایک پیسہ سستا ہو کر 279 روپے 85 پیسے پر ٹریڈ ہو رہا ہے۔
یہ ریکارڈ سطح عالمی مالیاتی منڈیوں میں جاری ریکارڈ توڑ رجحانات کے ہم آہنگ ہے، جہاں سونے سمیت دیگر اثاثوں کی قیمتوں میں بھی نمایاں اضافہ دیکھا جا رہا ہے۔ پی ایس ایکس کی اس تیز رفتاری پر تجزیہ کار سرمایہ کاروں کے اعتماد میں اضافے، معاشی امیدوں اور کارپوریٹ سیکٹر کی مضبوط کارکردگی کو کلیدی عوامل قرار دے رہے ہیں۔
دیکھیں: افغانستان میں پھنسے تقریباً 200 پاکستانی طلبہ کی وطن واپسی کی اپیل، سفارتخانے کی تصدیق کے منتظر