پاک۔افغان سرحد پر کشیدگی اور پاکستانی جوابی کارروائیوں کے تناظر میں قطر کے وزیرِ مملکت برائے خارجہ امور ڈاکٹر محمد بن عبدالعزیز الخلیفی نے پاکستان کے نائب وزیرِاعظم و وزیرِ خارجہ اسحاق ڈار سے ٹیلیفونک رابطہ کیا ہے۔ سرکاری ذرائع کے مطابق اسحاق ڈار اس وقت سعودی عرب کے دورے پر ہیں۔
بیان کے مطابق دونوں رہنماؤں نے دوطرفہ تعلقات، علاقائی صورتحال اور باہمی دلچسپی کے بین الاقوامی امور پر تبادلہ خیال کیا۔ تاہم رابطے کی تفصیلات یا کسی خصوصی ایجنڈے کے بارے میں باضابطہ طور پر مزید معلومات فراہم نہیں کی گئیں۔
پاکستان کی جانب سے افغان طالبان کی پوزیشنز پر جوابی حملوں کے آغاز کے فوراً بعد قطر نے سفارتی سرگرمی تیز کی ہے۔ اس سے قبل بھی افغان طالبان کو بچانے کیلئے قطر متعدد بار سامنے آتا رہا ہے۔
دیکھیے: پاکستان کی کارروائیوں کے بعد افغانستان میں قبائلی دباؤ میں اضافہ، طالبان حکومت کو نئے چیلنجز درپیش