واشک: بلوچستان کے ضلع واشک کے علاقے پٹاک شہر، بسیمہ میں سیکیورٹی فورسز اور کالعدم تنظیم بلوچ لبریشن آرمی (بی ایل اے) کے مسلح افراد کے درمیان فائرنگ کے تبادلے میں 3 شدت پسند ہلاک جبکہ 7 زخمی ہو گئے۔
سیکیورٹی ذرائع کے مطابق 5 مارچ 2026 کو اطلاع ملی کہ بی ایل اے کے مسلح افراد نے پٹاک شہر میں ناکہ قائم کر رکھا ہے۔ اطلاع ملنے پر سیکیورٹی فورسز کی ٹیمیں علاقے میں بھیجی گئیں تاکہ شدت پسندوں کا مقابلہ کیا جا سکے۔
ذرائع کے مطابق فورسز کے پہنچنے پر بی ایل اے کے مسلح افراد کے ساتھ فائرنگ کا تبادلہ شروع ہو گیا جو کچھ دیر تک جاری رہا۔
سیکیورٹی حکام کے مطابق جھڑپ کے نتیجے میں 3 بی ایل اے شدت پسند ہلاک جبکہ 7 زخمی ہو گئے۔ علاقے میں مزید سرچ آپریشن جاری ہے۔