پاکستان کے معروف یوٹیوبر رجب بٹ اور ان کی اہلیہ ایمان فاطمہ کی شادی تقریباً 15 ماہ بعد ختم ہو گئی ہے، طلاق کا نوٹس سوشل میڈیا پر سامنے آنے کے بعد معاملہ زیر بحث آ گیا۔
دستاویز کے مطابق رجب علی بٹ ولد محمد افزل بٹ نے اپنی اہلیہ ایمان اسد دختر شیخ اسد حسین کو باضابطہ طور پر طلاق دے دی ہے۔
طلاق کے نوٹس کے وائرل ہونے کے بعد ایمان فاطمہ نے انسٹاگرام اسٹوری میں ردعمل دیتے ہوئے لکھا کہ انہوں نے اس رشتے کو بچانے کیلئے خاموشی اختیار کی لیکن پوڈکاسٹ میں لگائے گئے الزامات اور اب قانونی نوٹس کے بعد وہ صرف یہ جاننا چاہتی ہیں کہ اس سب میں ان اور ان کے بیٹے کی کیا غلطی ہے۔
انہوں نے کہا کہ ان کے پاس بہت کچھ کہنے کو ہے لیکن ماہِ مقدس کے احترام میں وہ خاموش ہیں۔
دوسری جانب رجب بٹ نے بھی بیان میں کہا کہ وہ اس شادی کو بچانے کی مزید کوشش نہیں کریں گے اور اس تعلق کو برقرار رکھنا ان کیلئے ممکن نہیں رہا۔
ان کا کہنا تھا کہ وہ منافقت پر مبنی رشتہ برقرار نہیں رکھ سکتے اور خاندانی اختلافات شدت اختیار کر چکے ہیں۔
واضح رہے کہ رجب بٹ اور ایمان فاطمہ کی شادی 2024 میں ہوئی تھی اور شادی کی تقریبات سوشل میڈیا پر خاصی وائرل ہوئی تھیں، تاہم بعد میں دونوں کے درمیان اختلافات سامنے آ گئے تھے۔
دیکھئیے:شوبز میں کینہ و بغض عام، نئی نسل سوشل میڈیا کے زیر اثر: نعمان اعجاز