کابل: افغانستان کے صوبہ ہرات میں فائرنگ کے ایک واقعے میں ابتدائی اطلاعات کے مطابق کم از کم 10 افراد ہلاک جبکہ 35 زخمی ہو گئے ہیں، واقعے کی نوعیت اور ہدف کے حوالے سے تفصیلات تاحال سامنے نہیں آ سکیں۔
مقامی ذرائع کے مطابق فائرنگ کا واقعہ اچانک پیش آیا جس کے بعد زخمیوں کو فوری طور پر قریبی اسپتالوں میں منتقل کیا جا رہا ہے جہاں بعض کی حالت تشویشناک بتائی جا رہی ہے۔
حکام کا کہنا ہے کہ واقعے کی تحقیقات شروع کر دی گئی ہیں اور سیکیورٹی ادارے شواہد اکٹھے کر رہے ہیں تاکہ حملے کی نوعیت اور ذمہ داروں کا تعین کیا جا سکے۔
ذرائع کے مطابق واقعے کے بعد علاقے میں سیکیورٹی سخت کر دی گئی ہے جبکہ مزید تفصیلات سامنے آنے کا انتظار کیا جا رہا ہے۔
دیکھئیے:کابل یونیورسٹی: افغان وزیرِ تعلیم کا طالب علم پر تشدد، ازبک ٹوپی پہننا جرم بن گیا
